Corpus Van Reenen-Mulder (CRM14): Oorkonde K094p37101

WJ jan maddiin alaerds sone / godscalc die hont h_en cleys meysters sone / en_ wouter zasse ghisebrechts sone Scepen_ in dordr_ orconden en_ kenne_ dat godeuaerd gillijs witte_ sone / die schoemaker die houder es van desen brieue met allen rechte v_boden heeft jnt jaerghedinghe dat + men bezat des donredaghes na sinte pontiaens dach jnt jaer ons he_en M˚ ccc˚ een en_ tseuentich die eene helfte van eene_ huse met sinen toebehoere_ jn alle_ manieren als die dorsteken brief inhout voert kenne_ wi dat gheerolf suus meeus sone met eene_ v_deban wt die eene helfte van + de_ huse met sine_ toebehoere_ vors_ ghebannen is en_ godeuaerd vornoe_t met alle_ rechte d_ in jn orco_de desen brieue ghegheue_ jnt jaer en_ opten dach vorscr_ . willem vlaminc