Corpus Van Reenen-Mulder (CRM14): Oorkonde K094p37102

WJ Ricout willaem toln_s zone ; heinric suus h_en didderic suus zone / en_ wouter zasse ghisebrechts zone ; Scepene_ jn dordrecht orconden en_ kennen . Dat vor ons quam / Gheerolf suus meeus zone / en_ verghiede dat hi vercoft heeft Godeuaerde gillijs witten zone den schoemaker die houder es van desen brieue / Die een helfte van den gheheelen huse met allen sinen toebehoren . daer andries andries zone die hudevetter in woende int leste van sinen liue / streckende van der straten voren / afterwaerds tot den statboom toe Staende bi der visschebrigghe an die poortside / tusschen willaem arnd schoermans soens huse des schoemakers an deen zide / en_ agnieten huse willaem ermtruden soens weduwe an dander zide / Ende hem hier of betaelt is die eerste penni_c en_ die leste / hier bi heeft hi hem die een helfte van den gheheelen huse met sinen toebehoren vorscreue_ . ghelooft te waren als een vri goed van allen co_mer en_ van allen antalen / Staende op alsulke lanthure alsser nv ter wilen jaerlix te rechte wt gaet / Ende waert dat hier ane yet ghebrake / zo is des borghe bartout wormbouds zone die scriinmaker / dit wel te voldoen als een goed borghe / Ende hier of heeft / gheerolf vors_ ghelooft sinen vornoemden borghe te quite_ en_ scadeloes te houden / Jn orconde desen brieue ghegheuen jnt jaer ons he_en . + M˚ . + ccc˚ + . een en_ tseuentich / Op sinte pontiaens auont