Corpus Van Reenen-Mulder (CRM14): Oorkonde K094p37402

Wj jan maddiin alaerds zoen gheeraet van + den steenhuse jans zoen willaem tolnaers zoen en_ willaem h_en reymbout zeebaers zoen Scepenen in dordr_ orconden en_ kennen dat jan polreman jans witten zoen die houder es van desen brieue met allen rechte verboden heeft jnt jaerghedinghe dat men bezad des donredaghes na beloken paeschen dat was die dortyenden dach van aprille int jaer ons he_en M˚ ccc˚ vier ende tseuentich die seuen pont holl_s jaerlike renten en alle maniere_ als die dorsteken brief inhoud Vord kennen wj dat jacob van den slote gillijs zoen met eenen verdeban ghebannen es wt die jaerlike renten vorscr_ en_ jan polreman vors_ daer in met allen rechte Jn orconde desen brieue ghegheuen int jaer en_ opten dach vorscr_