Corpus Van Reenen-Mulder (CRM14): Oorkonde K094p37501

WJ ricout willem tolnaers zoen . Henric van dinslake vrederix soen . en_ cleys buweel h_en wormbouts zoen . scepene_ in dordr_ orconden . en_ kennen . dat vor ons quam wouter van den pieke jans zone en_ gaf op in gods eeren en_ in rechten testamente en_ aelmoessen vor sine ziele . den heilighen gheest in + der grot_ kerken tordr_ viif scellinghe holl_s jaerliker renten legghende in tshe_en steghe van pitte jn den e?e daer nv reynoud jan minneboden zone een dwers loeue op staende heeft zuutwaerd naest jordaens wiinkrayierres huus daer hi nv in woent . Met alle den aft_stel datter ? v_scenen es tot huden desen daghe toe tot sinen vrien eyghendom . en_ dese vors_ renten metten afterstal heeft hi den heilighen gheest gheloeft te waren als een vri goed van alle_ comm_ en_ antale . Jn orconde desen brieue Ghegheuen jnt jaer ons heeren . + M˚ . + ccc˚ . + viue en_ tseuentich . des vridaghes na kersdaghe . - -