Corpus Van Reenen-Mulder (CRM14): Oorkonde K094p37701

WJ Jan die witte godscalx soen . Jonghe heinric scoutate h_en clays soen . Cleys buweel h_en wormbouds soen ende heinric bot dirx soen . Scepenen in dordr_ orconden en_ kennen dat vor ons quam jonvrou lisebet van Coelhorst met horen ghecoren voecht . Ende verghiede dat si vercoft heeft . h_en jan van rosendale ridder . die houder es van desen brieue . Sestien marghen en_ viue en_ twintich roeden lands . gheleghen in leyder ambocht in wouters ambocht van schoenhout met martiin luden zoens lande ghemeene . tusschen dinssekiins backers lande an deen zide en_ hughe laurens zoens lande des wantsniders an dander zide : Ende haer hier of betaelt es die eerste penni_c en_ die leste . hier bi heeft si hem dese zestien marghen en_ viue en_ twintich roeden lands . also vorscr_ es . gheloeft te waren als een vry goed van allen commer en_ van allen antalen . wt~gheset tshe_en siins . en_ van den afterstal datter ane ghebreect en_ van den tien scellinghe holl_s tsiaers paepliker prouende die daer op staen also men ons zeyt : Ende waerd dat an desen coep en_ waringhe vorscr_ yet ghebrake soe is des borghe aernt bindop elyaes soen der vorseyder lisebetten broeder van coelhorst dit wel te voldoen als een goed borghe . En_ hier of heeft joncvrou lisebet van coelhorst vors_ . gheloeft aernt bindop horen broeder vornoemt . wel te quiten ende scadeloes te houden . hier of hebben vor ons ghetuucht pieter gorijs soen . en_ jan van den worue met horen eede ten heylighen dat die rechter en_ die heemraders binnen den ambocht vornoemt ouer die ghifte van desen zestien marghen en_ viue + ende + twinti_ roeden lands vorseit stonden en_ den eyghendom daer + of vry kenneden wtgheset tshe_en siins en_ die paeplike prouende alsoe vorscreuen es . En_ dat die coep daer of tsondaghes op sinter claeus dach nv lest vorleden ghecondicht wart in die myle binnen der kercken aldaer jnt openbaer onder der hoechmissen . jn orconde desen brieue ghegheuen jnt jaer ons heeren M˚ . + ccc˚ zeuen en_ tseuentich Op onser vrouwen dach conceptio - - -