Corpus Van Reenen-Mulder (CRM14): Oorkonde K094p37702

WJ Gheeraet van + den steenhuse jans zoen jan van + der tympel jans zoen jan die witte godscalx zoen en_ cleys buweel h_en wormbouts soen Scepenen in dordr_ orconden en_ kennen dat h_en jan van rosendale ridder die houder es van desen brieue met allen rechte verboden heeft jnt jaerghedinghe dat men bezad des woensdaghes op sinte ponciaens auond dat was die dortyensten dach van januario jnt jaer ons he_en M˚ ccc˚ seuen en_ tseuentich die sestyeni marghen en_ viue en_ twintich roeden lands gheleghen in leyder ambocht jn alle manieren als die dorsteken brief inhoud Vord kennen wj dat joncvrou lysebet van coelhorst met eenen verdeban ghebannen is wtten vorscr_ lande en_ h_en jan van rosendale vornoemt daer in et allen rechte Jn orconde desen brieue ghegheuen jnt jaer en_ opten dach vorscr_