Corpus Van Reenen-Mulder (CRM14): Oorkonde K094p37703

Wj jan van + der tympel jans soen heynric scoutaten h_en cleys soen jacob dukinc h_en gheeraets soen en_ willaem h_en reymbout zeebaers soen Scepenen in dordr_ orconden en_ kennen dat vor ons quam jan polreman jans witten soen en_ hilt met sinen eede ten heylighen dat hem ghebraken van verscenen jaerscaren an die jaerlike renten die die dorsteken brieue_ inhouden acht pont neghentyen scellinghe en_ neghen pe_ninghe holl_s payments als in dordr_ ghenghe en_ gaue es daer die leste termiin of versceen te korssauond lest vorlede_ die hem euerdey h_en euerdeys soen met sinen propre ghelde betaelt heeft en_ anders nyement Vord so gaf hi vor ons op den vors_ euerdey die houder es van desen brieue alle die macht en_ den eyghendom van + den brieuen die dorsteken siin mettesen brieue en_ met die acht ponde neghentyen scelli_ghe en_ neghen pe_ninghe holl_s toe diere? ghebreken an die verscenen renten als vorscr_ is tot sinen vryen eyghendom Vord so heeft hi hem die jaerlike renten die die dorsteken brieuen inhouden gheloeft te waren en_ te vrye_ als een vry goed van allen commer en_ van allen antalen diere op comen mach va_ jan polremans weghe in eenighe manieren Jn orconde desen brieue ghegheuen int jaer ons he_en M˚ ccc˚ seuen en_ tseuentich opten twintichsten dach der maent van aprille