Corpus Van Reenen-Mulder (CRM14): Oorkonde K094p38001

Wj jan die witte godscalx soen (onleesbaar) h_en tyelmans soen hugheman adaems soen en_ cleys buweel h_en wormb? ? ?penen in dordr_ orconden ende kennen dat jan broech pieters soen die houder es van desen brieue met allen rechte verboden heeft jnt jaerghedinghe dat men bezad tdinxdaghes na beloken sinxen dat was die twee en_ twintichste? dach der maent van meye jnt jaer ons he_en M˚ ccc˚ en_ tachtich die achtyen marghen lants legghende in leyder ambocht in alle manieren als die dorsteken brief inhoud Vord kennen wj dat haer jan van rosendael ridder met eenen verdeban ghebannen is wtten vors_ lande en_ jan broech vornoemt daer in met allen rechte Jn orconde desen brieue ghegheuen jnt jaer en_ opten dach vorscr_