Corpus Van Reenen-Mulder (CRM14): Oorkonde K094p38601

WJ Dekens ende ghemeene Ghildebroeders van den tymmerluden in dordrecht Doen Cond en_ kenlic Allen luden Dat wij by ghemeenre eendracht en_ goeden moetwille van ons allen verdraghen sijn : en_ gheraemt hebbe_ en_ in kueren gheleyt / alsulke p˚nten en_ kueren als by p_ticlen hier + na volghen en_ ghescreuen staen / Dats te weten dat een yghelic ghildebroeder die bi ? is Elke_ weke gheuen zal vier penni_ghe holl_s den deken in den bussen te doene / en_ met dien ghelde ?al + men elken ghildebroeder / also verre als hi den ghilde ghenoech ghedaen heeft te hulpe_ comen in siinre siecten of in siinre quetsinghen met twee wit grote_ tsdaghes durende also langhe als hi siec leyt after dien dach drie daghe gheleghen heeft dat weecghelt oec te meeren (onleesbaar) biden ghemeenen ghildebroeders vorscr_ oec en sal een yghelic dat in sijnre siecten niet moghen weder~zegghen . vort en zal + men gheenen ghildebroeder dat weecghelt gheuen (onleesbaar) ten ware dat + hi die quetsinghe vercreghen hadde op werckedaghe en_ van wercke roerende jof in dienste_ ons liefs he_en van holland jof der stede van dordr_ vort en zal nyement wercken op daghen die die heylighe kercke ghebiet te vieren ten deden nootsaken of dat + hi he_ zelue_ tymmerde op een half pont was of drie grote daer voren rechte~vort te gheue_ of sijn ambocht niet te doen hi en hadder + of voldaen . jtem wanneer eenich ghildebroeder sterft of sijn wijf soe zal daer een yghelic ghildebroeder die binnen der stede es comen ter opheuen en_ daer bi bliuen ter tijt toe dat + hi begrauen is . op die boete van eenen haluen pond was of drie grote daer + voren rechte~vort te gheuen eer hi zijn ambocht doen zal alsoe verre als hijs een wete heeft hi en macht met sinne keeren / maer storue enichs ghildebroeders kint daer soude des ghelijcs elc ghildebroeder comen ter opheuen en_ aldaer in der zeluer vormen bliuen en_ optie zelue boete Jtem soe wanneer die dekens marghen~sprake legghen en_ ghebieden na ghewoenten met horen zekeren bode tot soe wat tiden het si soe zal daer elc ghildebroeder comen en_ aldaer bliuen tot der tijt toe dat die m_ghen~sprake ghedaen is alsoe verre als + me_t hem te weten laet an hem zelue_ jof tot sinen huus optie boete van twee grote_ maer waert des god verhoeden moet dat + hem meere_ last an viele / soe zoude elc ghildebroed_ verbonden wesen te comen bi + den dekens mids der zeluer wete an hem ghedaen of tot sinen huse en_ daer bi te bliuen des hem die dekens orlof ghedaen op sijn ambocht jtem waer tsake dat eenich ghildebroeder bruloft hadde jof eenich dading van zoendinghe te houden binnen der stede van dordr_ en_ hijs sinen ghildebroed_s in tijts v_maende daer bi te wesen soe conden si met hem gaen en_ bi hem wesen optie boete van eenen haluen ponde_ was of drie grote hier voren als vors_ is . Mer w_t dat hine buten der stede v_maende met hem te wesen hem zelue_ aengaende op heilich daghen dat + men beryden beuaren of begaen mochte metter vloet wt en_ metter ebbe weder in of metter ebben wt en_ metter vloet weder in des zoude elc willich wesen te doen op die boete van eenen ponde was ten ware mids zonderlinghen last sijnre vrienden of dat hiit zelue met sinne keere_ mochte jte_ sal + men alle jare die dekens kyesen bi + den ghemeene_ ghildebroeders na der meest_k~ore . Voerd en sal gheen ghildebroed_ wercken daer den and_en ghildebroed_ sijn ghelt an tafter staet op sijn ghilde alsoe verre als hijt hem die daer werct te wete_ doet met eene_ deken alsoe dicke als hi tenden dier wete aldaer wrochte en_ daer toe (onleesbaar) die wete te doene zal yeghelic deken moete_ bereet sijn wanneer hijs vermaent wordt En_ een tymm_man die wercm? en_ niet en voldede dat waer optie zelue boete van sinen amb_t mids der wete die die deken daer + of doen zoude en_ den and_en daer of niet vol en gheschiede dat kenliken ware En_ soe wie in enich der poynten vorscr_ sijn amb_t verboerde dat zoude hi weder moghen lossen en_ vrien om vier pont holl_s die te gheue_ eer hi sijn amb_t weder mochte hantyeren en_ d_ of ofte van eenighen boete_ die vorscr_ staen en zal nyeme_t bede doen om v_drach d_ of te hebbe_ vord en sal + me_ nyeme_t ontfaen in desen ghilde ten si bi + den ghemeene_ ghildebroed_s Des sal eens meest_s kint dit amb_t hantiere_de onze ghilde moghen crighen en_ daer + jn bevrijt wesen o_me vijf scellinghe grote of een jaer lanc daer voren om te ghane na ghewoente ons ghilden vors_ Oec sal een jngheboren poorter dit ambocht hantyerende in onsen ghilde moghe_ come_ om een pont grote payments als ghenghe en_ gaue is En_ die binne_ ons liefs he_en lande gheboren is . en_ poert_ wort dit ambocht oec hantyerende zalre bij moghe_ come_ en_ bevrijt wesen om twee grote des zelfs payments maer een poort_ van buten ons liefs he_en lande gheboren zoude ? onsen ghilde come_ om vier pont grote payments vorscr_ die dit amb_t hantiert als vors_ is En_ dit ghelt als van den jncomen zal elc gheuen eer hi w_ken sal vord en zulle_ gheen waghenmakers noch borthouwers eenighe cnape_ te wercke_ zetten hi en zal tsgylden ghemoede daer of hebbe_ ghelike den huustymm_luden En_ soe wat ghildebroed_ den and_en hiet lyeghen jof arghewoerden gaue binnen (onleesbaar) m_ghen~sprake die verboerde een pont was of (onleesbaar) grote daer voren te gheue_ eer hi wercken zoude behoudelic oec altoes onser brieue_ die wi hebbe_ onder die zeghelen ons liefs he_en sgraue_ van holl_t en_ der stede van dordr_ wel bezeghelt Die te bliue_ in hore volre macht En_ alle saken ten goeden verstane en_ zonder begrijp oft arghenlist En_ om~dat wi willen dat alle dese poynte_ goed vast en_ ghestade zulle_ bliuen en_ ghehouden worden zonder verbreken van ons en_ onsen ghildebroed_en die bi tiden wesen zulle_ Soe hebbe_ wi den zeghel van onsen ghemeen ghilde en_ ambocht vorscr_ hier an ghehanghen jn kennessen en_ ghetughe der waerheit dat was ghedaen op sinte agnieten dach jnt jaer ons he_en dusent drie + hondert zesse en_ tachtentich En_ soe wat ghestille dese vornoemde ghildebroeders onderlinghe hadden dat souden die dekens die daer waren (onleesbaar) wech bringhen en_ soene_ ten ware van quetsinghen