Corpus Van Reenen-Mulder (CRM14): Oorkonde K094p38701

WJ heinric zas ghisebrechts sone . Gheeraed van der haey h_en jacobs sone en_ sarijs clawaerts sone Scepene_ in dordr_ orconden ende kennen Dat vor ons quam willem arnt liedelden soens sone Ende verghiede dat hi vercoft heeft pieter den haze jan pieters soens sone des boghemakers die houder is van desen brieue Een pont holl_s jaerliker renten met horen afterstellighen renten van zes jaren daer die leste termiin of verschene_ was te bamisse nv lest vorleden die gheleghen siin in den erue an die lantside opten oost_en hoec van die zwindrechts strate daer die vorseide willem arnts sone nv op woent Ende hem hier of betaelt is die eerste penninc ende die leste . hier + bi heeft hi hem dit pont holl_s jaerliker renten met horen afterstellighen renten van zes jaren vorscreuen gheloeft te + waren als een vri goed van allen co_mer ende van allen antalen . Ende waert dat hier + a~ne yet ghebrake so is des borghe . Gheeraed jan aernts soens sone die backer dat wel te voldoen als een goed borghe ; ende hier of heeft willem aernts sone vorseit sinen vornoemden borghe gheloeft wel te quiten ende scadeloes te houde? jn orconde desen brieue ghegheue_ jnt jaer ons he_en M˚ ccc˚ zeuen ende tachtich opten twintichsten dach der maent van maerte