Corpus Van Reenen-Mulder (CRM14): Oorkonde K094p38702

WJ Jan maddiin alaerds sone willem boomghaerd willems sone willem van der tympel h_en florens zone ende Jacob ysereel h_en tyelman ooms zone Scepenen in dordrecht orconden ende kennen Dat vor ons quame_ mary h_en euerders weduwe met eenen ghecoren voecht ende hughe boeye haer zone Ende gauen op Tyelman van Breederoden den wantsnyder alle die macht ende den eyghendom van den brieuen die dorsteken siin met desen brieue tot sinen vrien eyghendom alse tot drie ponden hollantschen toe jaerliker renten staende op zeuen marghen lants als + men ons zeyt die toe~behoren gheeraed willems zone wt den ambochte van blaskiins graue ende die int zelue ambocht gheleghen siin tusschen reynoud Jan minneboden soene lande op deene zide ende witte dirx zoens lande op dander zide Voert zo hebben mary en_ hughe boeye haer zone also als + si vornoemt staen met ghesamender hant ende onghescheiden vor ons gheloeft den vornoemden tyelman van breederoden die houder es van desen brieue die drie pont holl_s jaerlik_ renten staende op die zeuen marghen lants Jn allen manieren als vorscreue_ staet / te waren en_ ? ? als een vri goed van allen co_mer ende van allen antalen hier of hebben heinric zasse coliins zone en_ die vornoemde gheeraed willems sone vor ons ghetuucht op horen eed ten heilighen dat die recht_ en_ die heemraders in den ambochte van blaskiins graue voernoe_t ouer die ghifte stonden van den drie ponden hollantschen staende op die zeue_ marghen lants vorscreue_ en_ den eyghendom daer of vry kenneden ende dat die opdracht en_ coop daer + of nv in zondaghe op den beloken paesschen lest leden dat was die viertiende dach in aprille ghecondicht wart int openbaer onder der hoechmissen in der kercken binnen den zeluen ambochte van blaskiins graue vornoe_t Jn orconde desen brieue ghegheuen jnt jaer ons he_en M˚ ccc˚ zeuen en_ tachtich op den zestienden dach der maent van aprille