Corpus Van Reenen-Mulder (CRM14): Oorkonde K094p39301

WJ heinric sasse ghisebrechts soen jacop lisse harmans soen van collen Ende willem van + der tympel florens soen en_ Claes moelnaer jans soen . Scepene jn dordrecht Orconden ende kennen Dat vor ons quam Claes jan pouwels soens soen ende verghiede dat hi vercoft heeft jan gheenman phreest soen die houder es van desen brieue Een half weder lands gheleghen jn + den ambocht van + den crws tusschen heyn tolnaers lande an deen zide ende ghise dirx soens lande an dander zide Ende hem hier of betaelt es die eerste pennync ende die leste hier bi soe heeft hi hem dit voerseyde half weder lands gheloeft te waren als een vry goet van allen commer ende an~talen sonder van she_en pacht hier of hebben voer ons ghetughet op horen eet pieter heinr_ soen ende jacop dirx soen alse heemraders binnen den ambocht voernoe_t dat si met den rechter ende anders den heemraders aldaer ouer die ghifte van desen lande alsoe alst vorscr_ es stonden ende den eyghen daer of vry kenden Ende dat ghecondicht wardt des sonnendag_ nae sente martijns dach translac_o lest voerleden jnt openbaer jn + der hoechmissen binnen der kercken jn + den seluen ambocht vorscr_ jn orconde desen brieue ghegheuen jnt jaer ons he_en . + M˚ . + CCC˚ . + Drie ende tneghentich Des sonnendaghes nae sente jacops dach