Corpus Van Reenen-Mulder (CRM14): Oorkonde K094p39902

Wj ghiisbrecht moelnaer jans soen . ghiisbrecht vrancken soen . en_ gilliis van der halle jans soen . Scepenen in dordr_ orconden en_ kennen dat vor ons quam giisbrecht jans soen die te wiue heeft mary jan heys boudijn paerts soens dochter . En_ verghiede dat hi vercoft heeft Reynout sarijs reynouds soens soen die houder es van desen brieue Een pont holl_s jaerliker renten met den eyghendom die daer toe behoert / en_ met zes jaren afterstals den lesten termijn verscenen te bamisse nv lest vorleden gheleghen an die poertside opten westhoec van der visschebrigghe in den Erue daer jan harlebeec ? woende int leste van sinen liue daer philips van beueren nv ter wilen een huus op staende heeft En_ hem hier of betaelt es die eerste penni_c en_ die lesten hier bi soe heeft hi hem dese jaerlike renten met den (onleesbaar) den afterstal alsoe alst vorscr_ is gheloeft te waren als een vry ghoet van allen commer en_ van allen antalen Jn orconde desen brie? ? ? ? ?s he_en M˚ ccc˚ neghen en_ tneghentich des maendaghes na sinte aechten dach