Corpus Van Reenen-Mulder (CRM14): Oorkonde K094p40002

Dits alsulke zoene en_ segghe_ als dat alinghe gherecht En_ die achte in dordr_ metten achtien p_sone_ diere op die tijt toe gheuoecht en_ gheordineert ware_ van + der stede van + der ghemeente_ weghe_ en_ va_ jacobs va_ kuunre en_ tielman baernts soens weghen Om ghemeen profijt en_ orbaer d_ stede vors_ En_ hebben aenghesien den grote_ last va_ beyde_ p_tien die tot deser tijd in die stede is om die te beuelle_ En_ alle sake_ d_ of ten besten te keeren En_ om te v_hoede_ alle arch datter namels wt + sprute_ mocht als van + den ongheual en_ dootslaghe die ghesciet is an + tween eerbaren p_sone_ ghijsbrecht va_ ku˚nre ghijsbrechts soen en_ wiggher baernts soen dien god ghenadich si Eendrachtelic en_ minlic d_ of een alinghe vaste soene gheseit en_ gheordineert hebbe_ bi consente de_ ghemene_ neringhe_ in dordr_ Ende bi consente alre ghijsbrechts van ku˚nre ghijsbrechts soen en_ wiggher baernt soens maghe_ Des so sal pieter haec harmans soen en_ sijn maghen tot ewighe_ daghen versoende luden wesen van + de_ ongheual en_ dootslaghe vors_ Jn sulker maniere_ en_ vorwaerde_ so hier na ghescreue_ staet . Jn + de_ eerste_ so heeft hem pieter haec vors_ verwilcoert vor scepen in dordr_ op sijn lijf nemmermeer in ghesworen recht te come_ in + , + der stede vors_ als scout borghermeester scepen raet acht noch deken noch in ghene_ dienst die d_ stede vorseit roert Jt_ heeft hi of~stal ghedaen va_ otte_ va_ slinghelant en_ va_ alle den ghene_ die van + de_ ongheual en_ dootslaghe voers_ besaect sijn of besaect sulle_ worde_ En_ nemmermeer in dier lude_ gheselscap te come_ noch raet noch daet met hem te hebbe_ in gheenre wijs datte_ heer der stede d_ ghemeenten ofte enich van + de_ vriende_ van + d_ doder + hant ieghens draecht Jte_ sal pieter haec bute_ al ons liefs h_en lant va_ holla_t wesen Een termijn va_ tien iare_ lanc naestcomende En_ daren tende_ also langhe durende als den heer der stede der ghemeente_ en_ die vrienden en_ die vriende_ van + d_ doder + hant ghenuecht En_ hier om niement te mesdoen noch te doen misdoen in gheenre wijs dat den heer der stede d_ ghemeente_ ofte enich van + de_ vriende_ van + der doder hant ieghens draecht En_ des sijn borghe van pieter haex maghe_ dese vors_ ponte_ en_ verbande te houde_ en_ te doen houde_ op hoer lijf . Jacob van + der tympel wouters soen heinric vrient piet_ adaems soen maes~this soen die backer En_ hain haec jan haex soen . En_ waert dat sake dat piet_ haec voers_ of sijn borghen jof sijn borghe vors_ namels tot enigher tijt der ponte_ of der verbande_ vors_ brake_ des god v_biede_ moet dat waer op haer lijf . En_ des soe soude piet_ haec vors_ een onversoent man bliue_ en_ wesen i_ alle maniere_ of hi van + de_ dootslaghe en_ ongheual v_wonne_ waer tot dordr_ met alle_ recht . Jtem so sal piet_ haec vors_ sijns ghelts wtreiken en_ betale_ tien hondert pont holl_ns payme_ts als binne_ dordr_ ghenghe en_ gaue is Die een helfte binne_ die vier heilich daghen va_ kerssauont naest~comende En_ die ander helfte binne_ den vier heilich daghe_ van paessche_ d_ naest comende . borghe die vornoemde ghelt te betale_ op die daghe soe vors_ staet op een peni va_ twe dusent pont holl_ns payme_ts vors_ Eerst van piet_ haex vad_ maghe_ harman haec sijn vader tielman haec harman haex broeder Jan haec harmans soen en_ harman haec jacobs soen van sijne moed_ maghen aernt van beelant bottermans soen en_ ghijb_ jans heys soen Jte_ so sal piet_ haec voern_ van + d_ vorseider soene_ brieue gheue_ beseghelt ond_ sine_ seghel inhoudende va_ woerde te woerde va_ alle_ verbande_ en_ ponte_ so vors_ staet Een yghelic ghilde in dordr_ die + se hebbe_ wil? En_ des~ghelijcs die vriende_ van + d_ doder + hant jtem dese vors_ soene was gheseit en_ gheslote_ opter sale_ bi + den alinghe gherecht en_ der achten en_ bi + den achtien p_sonen die daer toe gheordineert en_ gheuoecht ware_ so vors_ staet jnt jaer ons h_en M˚ . + en_ vier + hond_t op sinte baue_ dach Des so sal pieter haec vors_ een maent lanc opten kerchof legghe_ of in een cloester binne_ dordr_ na~dien dat hi van + de_ steen gaet . En_ want ic pieter haec h_mans soen vors_ alle verbande en_ ponte_ so vors_ staet verwilcoert heb te houde_ en_ te doen houde_ vor scepen_ als ghijsb_ vrancke_ soen heinric otte_ soen van malborch wormbout van + de_ wijng_de h_en tielmans soen En_ gillis van + d_ halle jans soen So hebbic mine_ seghel i_ kennessen d_ waerheit hier an ghehanghe_ Gheg_ jnt jaer en_ opte_ dach vorscr_ hugo joflor