Corpus Van Reenen-Mulder (CRM14): Oorkonde K094p40004

WJ ghiisbrecht moelnaer jans soen . heinric otten soen van malberch . wormbout van den wiingaerde h_en tyelmans soen en_ gilliis van der halle jans soen . Scepenen in dordr_ Orconden en_ kennen dat vor ons quam : heinric buusse jans soen wt ninster ambocht En_ verghiede dat hi vercoft heeft aelbaren jans soen wt houwe_inghen . die houder es van desen brieue ; die Eene helfte van eenen were lands onderdeelt hout tiend + alf marghen . met zulken husinghen en_ tymmeringhen alsser op staen en_ met anders horen toebehoeren . gheleghen in den ambocht van houwe_inghen tusschen der joncvrouwen lande van houwe_inghen an die een zide . en_ aernt wouters soens lande an die ander zide ; En_ hem hier of betaelt is die eerste penni_c en_ die leste hier bi heeft hi hem die eene helfte van desen were lands met sinen husinghen en_ tymmeringhe_ en_ met anders sinen toebehoeren vorscr_ gheloeft te waren als een vri goet van allen commer en_ van allen antalen behoudelic opten gheheelen were lants met siinre ty_meringhen en_ toe~behoeren vorscr_ . twee en_ twintich scellinghe holl_s tsiaers gheesteliker renten als + men ons zeyt ; En_ waert dat an dese coep of bewaringhe vorscr_ yet ghebrake soe is des borghe pieter buusse jans soen des vorseits heinrix buussen broeder dit wel te voldoen als een goet borghe . en_ hier of heeft heinric buusse vors_ gheloeft sinen vornoemden broeder te quiten en_ scadeloes te houden ; hier of hebben vor ons ghetuicht constans jans soen . als heemraet op sinen eet . en_ jan gheeraeds soen bi sinen eede ten heylighen . dat die rechter en_ die heemraders in den ambocht van houwe_inghen ouer die ghifte van den haluen were lands met siinre tymmeringhen en_ toebehoeren vorscr_ stonden en_ den eyghendom daer of vry kenneden ; wt~gheset van den renten diere op staen vorscr_ . En_ dat die coep daer of in der kercken tot houwe_inghen onder der hoechmissen int openbaer ghecondicht wart des sondaghes na sinte victors dach nv lest~leden jn orconde desen brieue ghegheuen int jaer ons heeren M˚ . + en_ cccc˚ . opten vier en_ twintichsten dach in aprille - - - -