Corpus Van Reenen-Mulder (CRM14): Oorkonde K099p32801

Wij Claes Alaerts + sone ende Meyndert Willems + sone scepen in Ghorinchem orconden dat voer ons quamen Jan Garret ende Coenraet Parf ende droeghen op alse recht is heren Robbrechte heren Herberens + sone van Dronghelen totter papeliker provende behoef van Sunte Jans outare ewaengeliste ghefundeert in der kerken van Ghorinchem dien brief daer dese brief beseghelt met onsen zeghelen doersteken is ende sulc jaerghelt alse daer + inne ghescreven staet . Ende op desen voerseyden brief ende jaerghelt so verteghen Jan ende Coenraet voernoemt alse recht is tot deser voerseyder papeliker provende behoef ende gheloveden met ghesamender hant denselven brief ende jaerghelt te waren alse recht is tot deser voerseyder provende behoef . In kennissen ghegheven des Dinxdaghes na sunte Martijns dach in den winter int jaer ons Heren m . + ccc . + ende acht + en + twintich + .