Corpus Van Reenen-Mulder (CRM14): Oorkonde K135p33601

Wi Didderic teyels sone / ende Gherart van den houele scepen in huesden tugen onder onse seghele Dat arnt andries Didderic en_ lisebeth met horen ghecorene_ monbor / mertens kiinder / op~droeghen heinen sceelken / dat huis met der hofstat dat mertens hoers vaders was / also groot en_ also cleyne alst hoer vader hadde / tuschen die hofstat daer her hartbaren sinen tiins an heeft / en_ didderike van landen op dat vorsede huis en_ hofstat hebben / arnt / andries / Didderic / en_ lisebeth met horen monbor / verteghen tot heine_ behoef en_ hebbent hem gheloeft te waren jaer en_ dach alse een eyghen erue en_ een volboden / als + men in vriheyden sculdech is te waren / en_ allen vorco_mer af te doene die daer op is of come_ mochte van horen weghen dien si met de_ rechte sculdech siin af te doene / sonder vier scellinge en_ twee hoenre die daer jaerliix te tiinse op ligghen / Ghegheuen jnt jaer ons h_en dertien + hondert dertich en_ ses woensdaegs na pinxt~dach -