Corpus Van Reenen-Mulder (CRM14): Oorkonde K135p34901

Wj Reynbout Gheraets sone en_ jan Proper Scepen in huesden tughen onder onse seghele Dat willem van stochem en_ heine die vedelleer van herpt opdroeghen arnde wouters sone van Ghend_en een huus metter hofstat dat gheleghen is tot huesden tuschen Gheraet van + den houel en_ didderic van landen . op dit voerscreue_ huus mett_ hofstat verteech willem en_ heyne voerseyt tot arnts behoef voerseyt als hem en~Gheen rechte daer aen te behouden en_ willem en_ heyne voerseyt Ghelofden arnde voerseyt dit voerscreue_ huus mett_ hofstat te waren jaer en_ dach als een eyghen erue en_ een volboden / en_ allen voerco_mer af te doen die daer op is of comen mach van hoerre weghe_ dien si mette_ rechte sculdich siin af te doen / wtghenome_ drie grote tsiaers en_ twee hoenre die die h_e van + den lande daer op heeft te ciinse Ghegheue_ jnt jaer ons h_en dertien + hondert en_ neghen en_ veertich op den viertienden dach jn apryle sdiinsdages .