Corpus Van Reenen-Mulder (CRM14): Oorkonde K135p36201

WJ jans nouden soen en_ aernt van wiic bouings soen scepen in huesden tughen onder onse seghele dat Maes claus soen hem dede richten metten rechte voer sente katelinen verseten tiins aen alsolken huys en_ hofstat alse gheleghen js tot huesden tuschen didderics erfghename_ van landen aen deen zide en_ die steghe aen dander zide en_ vercochte dat huys en_ die hofstat mette_ rechte voer sente katelinen verseten tiins ja_ne segher van hemert alse een ghericht goet en_ een volboden en_ o_me dat een ghericht goet was en_ een volboden soe wiisden die scepen dats die heer van + den lande een waer sal wesen alsoe verre alse si wisere daer ouer siin ent gheen leen en js en mach yema_ met ene_ rechte wederzeggen behoudeliken sente katelinen en_ den prochypape van hoesden hoers tiins ent en + yegheliken siins voertiins Ghegheuen int jaer ons h_en dertien + hondert en_ twee en_ tsestich tsat_dages na sente boenfaes dach -