Corpus Van Reenen-Mulder (CRM14): Oorkonde K135p36202

Wj jan nouden soen en_ heynric meester gheraets soen scepen in huesden tughen onder onse seghele Dat boenfaes jan ewouts soens soen jan siin brueder gheraet reymbout gheraets soens soen styne siin moeder en_ yde siin suster met horen ghecoren momber opdroeghen ja_ne segher van hemert een huys metter hofstat liggende tot huesden aen die hoghest_te tuschen didderics erfghename_ van landen aen deen zide en_ die steghe aen dander zide en_ daer op hebben si verteghen tot jan seghers behoef voersc_uen alse hem en~gheen rechte daer aen te behouden en_ boenfaes en_ jan siin brueder voersc_uen gheloefden ja_ne segher voersc_uen dat voersc_uen huys metter hofstat te waren jaer en_ dach alse een eyghen erue en_ een volboden en_ alle voerco_mer af te doen die daer op js of come_ mochte van horre weghen dien si metten rechte sculdich siin af te doen wtghenome_ alsolke twee en_ twintich scillinghe siaers en_ een hoen alse daer op gheleghen siin te tiinse Ghegheuen int jaer ons h_en dertien + hondert en_ twee en_ tsestich smaendages na sente odolfs dach