Corpus Van Reenen-Mulder (CRM14): Oorkonde K135p36301

WJ Aernt van wiic bouings soen en_ gheraet gheraet mag_mans soen scepen in huesden tughe_ onder onse seghele dat aernt yuwiin yuwiins soen opdroech metten die wiif was jans van druene_ een huys metter hofstat liggende tot huesden also g_te en_ also cleyne alst gheleghen js tuschen hoylen jans hoghen erfghanamen aen deen zide en_ dat huys dat robbrechte beatrisen soens plach te wesen aen dander zide en_ daer op verteech aernt yuwiin voersc_uen tot metten behoef voersc_uen alse hem en~gheen rechte daer aen te behouden en_ gheloefde hoer dit voersc_uen huys metter hofstat te waren jaer en_ dach alse een eyghen erue en_ een volboden en_ alle voerco_m__ af te doen die daer op js of comen mochte van siinre weghen dien hi metten rechte sculdich js af te doen jn dir maniere_ dat mette voersc_uen daer af ghelden sal alsolken tiins alse die heer daer op heeft en_ dat si aernde yuwiin voersc_uen daer af gheuen sal twee en_ viiftich scillinge siaers en_ viere pe_ni_ge enen goeden g_ten coninx tornoysen gherekent voer sestien pe_ni_ge of goet payment daer teghen erfeliken en_ alle jaer te ghelden op sente bauen dach Ghegheuen int jaer ons h_en dertien + hondert en_ drie en_ tsestich opten meydach -