Corpus Van Reenen-Mulder (CRM14): Oorkonde K135p36401

WJ Aernt van wiic bouings soen En_ van goetscalke veen Scepen in huesden tughen onder onse seghele Dat otte heyne bilsemans soen Goetscalke Rosemont vrancken soen en_ Meest_ jan die ghoutsmid heynrics swagher van arkel / hebben v_teghen op alsolken mudde rogen siaers alse heyne bilseman hadde op sest + aluen marghen lants liggende tot baerdewiic daer jan moyderma_ op te wonen plach en_ op alsolke ty_meringe alse daer op stoet streckende ten meerdyke toe tuschen heyne soutma_ en_ peter claus soen / op alsolken pont siaers alse heyne bilsema_ hadde op seuen hont lants liggende tot herpt in die oude scaren tuschen goetheynen en_ heyne panen van dou_en / op alsolken pont siaers alse heyne bilsema_ hadde op viere hont lants ligge_de tot herpt opt rot aft_ wouter papen soens tuschen beelen berijs docht_ en_ wouter roeste streckende van + den weghe opten bolke / op een vierdeel van alsolken elft + alf honde_ lants alse heyne bilsema_ liggende hadde jn + den gherichte van eten in sconings hoeue en_ op alle alsolke brieue en_ vorwaerden alse heyne bilsema_ daer af hadde tot heyne neuen kiinder behoef heyne neuen soens die hi hadde bi ermegaerden heyne bilsemans docht_ alse hem en~gheene rechte daer aen te behouden / Mede gheloefde goetscalke rosemont voersc_uen dat hi heylwighen siinre docht_ die hi hadde bi jutten sinen wiue sal doen vertien op dese voersc_uen erfenisse alse si tot horen mondeghen daghen come_ sal siin tot heyne neuen kiinder behoef voersc_uen / Mede js ons scepen_ voersc_uen condich dat wi ghesien hebben scepen~brieue daer lisebet heyne bilsemans docht_ in opghedraghen heeft aleyten herma_ goetscalcs soens dochter alle alsolke erfenisse en_ goet alst hoer aen~bestoruen was van horre moeder en_ aen~besteruen mochte va_ hore_ vader welke erfenisse en_ goet aleyt voersc_uen voert opghedraghen heeft meester ja_ne den ghoutsmid voersc_uen Ghegheuen int jaer ons h_en dertien + ho_dert en_ viere en_ tsestich tsondages na sente pouwels dach