Corpus Van Reenen-Mulder (CRM14): Oorkonde K135p36402

WJ Coenraet van + der steghen en_ jan ghisebrechts soen scepen in huesden tughen onder onse seghele dat noudeken die tasschemaker opdroech Reyneer den tasschemaker een huys metter hofstat liggende tot huesden aen die damstrate tuschen gheraets erfghename_ van den houele en_ jan den jongen Meest_ jans soen en_ daer op verteech noudeken voersc_uen tot Reyneers behoef voersc_uen alse hem en~gheene rechte daer aen te behouden en_ gheloefde hem dat voersc_uen huys metter hofstat te waren jaer en_ dach alse een eyghen erue en_ een volboden en_ alle voerco_mer af te doen die daer op js of come_ mochte van siinre weghen dien hi metten rechte sculdich js af te doen wtghenome_ alsolke drie pont siaers alse die heer daer op heeft hier na js comen Reyneer voersc_uen ende heeft dit voersc_uen huys metter hofstat noudeken voersc_uen weder opghedraghen tot enen rechten erftiinse ouer drie pont pe_i_ge siaers enen goeden g_ten coninx tornoysen gherekent voer sestien pe_ni_ge of goet payment daer teghen erfeleken en_ alle jaer te ghelden opten meydach Ghegheuen int jaer ons h_en dertien + hondert en_ viere en_ tsestich opten viere ende twintichsten dach van aprille - -