Corpus Van Reenen-Mulder (CRM14): Oorkonde K135p36801

WJ Aernt van wiic bouings soen en_ jan ghisebrechts soen van veen scepen in huesden tughen onder onse seghele Dat jutte jans wiif van + den spiker heynrics bosen soens lisebet hoer docht_ met hore_ ghecoren momber en_ peter jans gheysters soen van + den elshout opdroeghen ja_ne segher van hemert een huys metter hofstat liggende tot huesden aen die hoghestrate tuschen ja_ne segher voersc_uen aen beyden ziden en_ alselke brieue en_ vorwaerden alse daer af hebben en_ daer op hebbe_ jutte voersc_uen lisebet hoer docht_ met horen ghecoren momber en_ peter voersc_uen verteghen tot jan seghers behoef voersc_uen alse hem en~gheen rechte daer aen te behoude_ en_ gheloefden hem dat voersc_uen huys metter hofstat te waren jaer en_ dach alse een eyghen erue en_ een volboden en_ alle voerco_mer af te doen die daer op js of comen mochte van horre weghen dien si metten rechte sculdich siin af te doen wtghenomen alsolke twee en_ twiintich scillinge siaers en_ een hoen alse daer op gheleghen siin te tiinse Ghegheuen int jaer ons h_en dertien + hondert en_ achte en_ tsestich opten dorden dach in merte -