Corpus Van Reenen-Mulder (CRM14): Oorkonde K135p36901

WJ didd_ic pouwels soen en_ jan die wilde scepene in huesden tughen onder onse seghele dat bernt yngrams soen opdroech ermgaerden die wiif was peter sloetmakers drie marghen lants liggende in + den ba_ne van ghend_en in + den molen~campe tuschen philips ghuliken hoboschs soen oestwaert en_ hoicken van bouingen westw_t met dyke sloetmase en_ metten wet_ingen die daer metten rechte toe horen en_ (onleesbaar) voersc_uen tot ermgaerden behoef voersc_uen alse hem en~gheen rechte daer aen te behouden en_ gheloefde hoer dat voersede lant te waren jaer en_ dach alse een eyghen erue en_ een volboden en_ daer hebben met hem gheloeft ghesonne_der (onleesbaar) yngram siin vader en_ ghodert philips soen en_ gheloefden ermegaerden alle voercommer af te doen die daer op js of comen mochte van bernts weghen voersc_uen (onleesbaar) si metten rechte sculdich siin af te doen en_ bernt gheloefde yngram sinen vader en_ ghodert philips soen scadeloes te houden hier + na qua_ ermgaert voersc_uen met horen ghecoren momber en_ heeft dit voersc_uen lant met dyke mase en_ metten wet_ingen die daer metten rechte toe horen bernde voersc_uen weder opghedraghen tot enen rechten erftiinse ouer drie pont pe_ni_ge siaers enen goeden g_ten coninx tornoysen gherekent voer sestien pe_i_ge of goet payment daer tegen erfeleken en_ alle jaer te ghelden opten korsauont Ghegheuen int jaer ons h_en dertien + hondert en_ neghen en_ tsestich tsvridages na korsdach - -