Corpus Van Reenen-Mulder (CRM14): Oorkonde K135p37601

Wj Jan spiering didd_ics soen van welle en_ didd_ic van + den wyele roelofs soen scepen in hues? tughen onder onse seghele dat Rutgheer van ophouen opdroech Ja_ne v_en oeden soen twee hont lants liggende Jn + den ba_ne van herpt op die oeyslaghen tuschen Ja_ne v_en oeden soen en_ Jan aernt lambrechts soens soen met enen voet diix liggende tot hedechusen daer peters berch op steet peters veren soens en_ daer op vertoech rutgheer voersc_uen tot Jan v_en oeden soens behoef alse hem en gheen recht daer aen te behouden en_ gheloefde hem dese voersede twee hont lants te waren Jaer en_ dach alse een eyghen erue en_ een volboden en_ alle voerco_mer af te doen die daer op Is of come_ mochte van siinre weghen dien hi metten rechte sculdich Is af te doen Ghegheuen int Jaer ons h_en dertien + hondert en_ ses en_ tsouentich smaendages na onser vrouwen dach te wogelende oechste