Corpus Van Reenen-Mulder (CRM14): Oorkonde K135p37801

Wj jan vten horm en_ heynric van malsen scepen in huesden tughen onder onse seghele dat vrederic die scoemaker peter siin soen beerte siin docht_ met horen ghecore_ momber en_ jan heyne symoens soens soen opdroeghen heynric den hanscoemaker alsolke drie pont siaers alse ermgaert die wiif was peters sloetmakers hadde op bernt yngrams soen en_ alsolke brieue en_ vorwaerden alse si daer af hebben en_ daer op hebben vrederic voersc_uen peter siin soen beerte siin docht_ met horen ghecoren momber en_ jan heyne symoens soens soen verteghen tot heynrics behoef voersc_uen alse hem en~gheen rechte daer aen te behouden en_ gheloefden hem hedden si e_neghen co_mer daer op ghemaect met hande oft met monde dat si hem dien co_mer af~doen souden / mede is ons scepen_ voersc_uen condich dat wi enen scepen_~brief ghesien hebben daer her jan peters sloetmakers soen priester aernt siin bruoder en_ jan mast in verteghen hebben op die voersc_uen drie pont siaers en_ op die brieue en_ vorwaerden tot vrederics behoef voersc_uen alse hem en~gheen rechte daer aen te behouden Ghegheuen int jaer ons h_en dertien + hondert en_ achte en_ tseuentich smaendages na sente dyoniis dach