Corpus Van Reenen-Mulder (CRM14): Oorkonde K135p38002

WJ ghodert didderic luben soen en_ willem hessels soen scepen in huesden tughen onder onse seghele dat ons condich js dat wi enen scepen_~brief ghesien hebben daer ghodelt jacop meliis soens docht_ en_ lyelt hoer suster met hore_ ghecore_ momber in hebben verteghen op alle alsolke versterf alse hem aen~bestorue_ js van lyelden horre moeyen die wiif was Claus jan tielen soens soens en_ van Clause jan tielen soens soen tot Claus behoef claus jans soens soens en_ tot seghers behoef jan ghisebrechts soens soens alse hem en~gheen rechte daer aen te behouden en_ daer si hem in gheloeft hebbe_ hedde_ si e_neghen co_mer daer op ghemaect met hande oft met monde dat si hem die co_mer af soude_ doen Ghegheue_ int jaer ons h_en dertien + hondert en_ tachtentich ts?dages na alre + heylighen dach