Corpus Van Reenen-Mulder (CRM14): Oorkonde K135p38003

WJ ghodert didderic luben soen en_ willem hessels soen scepen in huesden tughen onder onse seghele dat Aleyt gieliis wiif van eten Aleyt hoer docht_ met horen ghecore_ momber en_ heynma_ hoer soen die si hadde bi heynma_ ghibessen soen verliit hebben geriit boem een hofstat een en_ twiintich voet en_ een half voet breet liggende tot huesden teghen tgasthuys erue ouer tuschen Aernt boem en_ heynma_ ghibessen soens erfghename_ ouer drie en_ veertich scillinge siaers enen goeden g_ten coninx tornoeysen gherekent voer sestien pe_ni_ge of goet payment daer teghen erfeleken en_ alle jaer te ghelden op alre + heylighen dach Ghegheuen int jaer ons h_en dertien + ho_dert en_ tachte_tich opten veertienden dach in aprille