Corpus Van Reenen-Mulder (CRM14): Oorkonde K135p38201

WJ symoen ghodeuaerts soen en_ didderic van + den wyele roelofs soen scepen in huesden tughen onder onse seghele dat jan ynwiin spierings soen opdroech robbrechte van doerne sinen brueder neghen hont lants ligge_de in + den ba_ne van oudehuesden in doester in greuekens lant tuschen den pape van oudehuesden en_ die kerke van oudehuesden aen deen zide en_ jacop sniders erfghenamen aen dander zide met dyke sloetmase en_ wet_inge die daer metten rechte toe + horen en_ daer + op verteech jan ynwiin voersc_uen tot robbrechts behoef van doerne siins brueders alse hem en~gheen rechte daer aen te behouden en_ gheloefde hem dat voersc_uen lant te waren jaer en_ dach alse een eyghen erue en_ een volboden en_ alle voerco_mer af te doen die daer op is of comen mochte van siinre weghen dien hi metten rechte sculdich is af te doen Ghegheuen int jaer ons h_en dertien + hondert en_ twee en_ tachtentich swoensdages na sente matheeus dach - op sente lucas auont -