Corpus Van Reenen-Mulder (CRM14): Oorkonde K135p38301

WJ willem hessels soen en_ wouter van + den stale scepen in huesden tughen onder onse seghele dat heynric aernt yuwiin yuwiins soens soen opdroech mathiis hughe sweuers soen alsolke twee en_ viiftich scillinge siaers en_ viere pe_ni_ge alse aernt yuwein siin vader hadde op een huys metter hofstat ligge_de tot huesden alsoe g_te en_ alsoe cleyne alst gheleghen js tuschen heylen jans hoghen erfghename_ aen deen zide en_ dat huys dat robbrechte beatrisen soens plach te wesen aen dander side en_ alle alsolke brieue en_ vorwaerden alse daer af siin en_ daer op verteech heynric voersc_uen tot mathijs behoef voersc_uen alse hem en~gheen rechte daer aen te behouden en_ gheloefde hem hedde hi e_nighen co_mer daer op ghemaect met hande oft met monde dat hi hem dien co_mer af soude doen / mede js ons scepen_ voersc_uen condich dat wi enen scepen_~brief ghesien hebben daer her hacke aernt yuwiins soen yuwiin siin brueder en_ jan wouter spapen soens soen in hebben verteghen op alsolke twee en_ viiftich scillinge siaers en_ viere pe_ni_ge alse aernt yuwiin yuwiins soen liggende hadde op een huys en_ hofstat tot huesden tuschen heylen jans hoghen erfghenamen aen deen zide en_ dat huys dat robbrechte beatrisen soens plach te wesen aen dander zide en_ op alle alsolke brieue en_ vorwaerden alse aernt yuwiin voersc_uen daer af hadde tot behoef heynrics aernt yuwiin soen alse hem en~gheen rechte daer aen te behouden Ghegheue_ int jaer ons h_en dertien + hondert en_ drie en_ tachtentich op sente jacops auont -