Corpus Van Reenen-Mulder (CRM14): Oorkonde K135p38601

WJ heynman van hedechusen en_ wouter van + den stale scepen in huesden tughen onder onse seghele dat hughe ha_maerts soen van wiic verteech op alsolke twee hont lants alse goeswiin jan seghaerts soen liggende hadde in + den ba_ne van oudehuesden opten haluen westacker bi der lude erue van neusele en_ op een eyndeken westackers teynden bertouts woert tot boyden meliis soens behoef alse hem en~gheen rechte daer aen te behouden mede js ons scepen_ voersc_uen co_dich dat wi enen scepen_brief ghesien hebben daer didderic pouwels soen met coepe van rechte in comen was in dat voersc_ue_ lant des hem die heer van + den lande een waer ghewiist was behoudeleken hughen voersc_uen siins tiins ent e_nyegheliken siins voertiins en_ dat didderic voersc_ue_ daer + na qua_ en_ ghaf dien zeluen coepe hughen voersc_uen weder en_ verteech daer op tot hughen behoef voersc_ue_ alse hem en~gheen rechte daer aen te behouden Ghegheuen int jaer ons h_en dertien + hondert en_ ses en_ tachtentich tsvridages na sente pouwels dach