Corpus Van Reenen-Mulder (CRM14): Oorkonde K135p39001

WJ heynric van malsen en_ jacop die sas scepen in huesden tughen onder onse seghele dat jan jan neude soens soen verteech op die helft van alsolken huys en_ hofstat alse gheleghen js in + den ba_ne van huesde_ aen die potter~strate tuschen gheraet huysman en_ vrancken jacops soens erfghenamen dat js te weten die helft naest vrancken jacops soens erfghename_ tot jans behoef jans potters soens / alse hem en~gheen recht daer aen te behouden en_ gheloefde hem hedde hi e_neghen co_mer daer op ghemaect met hande of met monde dat hi hem dien co_mer af soude doen mede js ons scepen_ voersc_uen condich dat wi enen scepen_~brief ghesien hebben die ghemaect waert int jaer ons h_en doe men screef dertien + hondert en_ tneghentich smaendages na sente odolfs dach daer jan (onleesbaar) soens soen met coepe van rechte in comen js voer philips peter ne_nekens soens soens verseten tiins in alsolke huysingen en_ hofsteden alse gheleghen siin in + den ba_ne van huesden aen die potter~strate tuschen die h_en van berne en_ vrancken jacops soens erfghenamen des hem die heer van + den lande een waer ghewiist js alsoe verre alse die scepen~wisere daer ouer ware_ ent gheen leen en was en mochte yema_ met enen rechte weder~zeggen behoudeliken philips peter ne_nekens soens soen siins tiins ent enyegheliken siins voer~tiins Ghegheuen int jaer ons h_en dertien + hondert en_ tneghentich tsondages na sent andries dach