Corpus Van Reenen-Mulder (CRM14): Oorkonde K135p39101

WJ didderic van + den wyele roelofs soen en_ jacop die sas scepen in huesden tughen onder onse seghele dat kateline willems dochter van oerden met horen ghecoren momber aernt draet aernt draets soen en_ didderic gheraet roests soen opdroeghen jan jan neuden soens soen die helft van + den huse en_ hofstat dat gheleghen js tot huesden aen die potter~strate tuschen gheraet huysma_ en_ vrancken jacops soens erfghenamen dat js te weten die helft naest gheraet huysman en_ alle alsolke brieue en_ vorwaerden alse daer af siin en_ verteghen daer op tot jans behoef jan neuden soens soens alse hem en~gheen recht daer aen te behouden en_ gheloefden hem hedden si e_neghen co_mer daer op ghemaect met hande of met monde dat si hem die co_mer af souden doen Ghegheuen int jaer ons h_en dertien + hondert en_ een en_ tneghentich op sente boenfaes Auont