Corpus Van Reenen-Mulder (CRM14): Oorkonde K150p33801

Op~dat tyelman van zonne als momboer gheerles kinder van zonne ludinc eest . vj . c _ . als van enen ve_ghien dat ludinc dicbier ghedaen soude hebben of ghedaen heeft daer segghe wi enghebrecht ludinc van den dike ende gherit vos als seggher jan dicbier ludincs ? ghebruder ende ghibe moutincs haer neuen daer segghe wi ludinc dicbier voer~seet quijt af want dese selue . vj . c l_b__ mechtelt ludekens desen seluen voer~sede_ (onleesbaar) aue ghewonnen heeft met tfonnjsse der scepen van den bosche / ende haer ludinc daer af ghenoech ghedaen heeft des hi letter heeft der scepen van den bosche / ende om~dat wi ludinc ende gherit voer~seet seggher jan dicbiers ? bruder ende ghibe haers neuen ons segghen gheseghet hebben ghelike als voer~screuen is / ende wi ons ghepresenteert hebben ons segghens voer den richter ende voer die scepen van den bosche soe hebbe wi dit segghen bezeghelt open met onsen seghelen des woensdages voer der feesten van korsauont jnt jaer ons heren Dusent drie hondert dertich ende achte