Corpus Van Reenen-Mulder (CRM14): Oorkonde K150p35201

Et si Cond allen den ghenen die dese lett_en solen zien oft horen lesen dat zeboed van tyle jan dicbier Scoutheyten tsertoghen~bossche arnt Van waderle arnt berwout Goetscalc van bladel Coenraet die w?er jacob van + den wiele Godeken postele Ende didderic didderic box sone hebben gheloeft op acht dusent ponden der stat van tsertoghen~bossche voerghenoempt Ene muer die streckende is van + der Ortender poerten toter wchter poerten toe . staende te hauden en_ die wale te bewaren dat si staende bliuen sal tot ewighen daghen ende dese selue muer in allen die ghereke te bewaren en_ te hauden ghelijc als men + se hem leuere_ sal dat is te weten also uerre als die muer volmaect is of also uerre als men + se hem leuere_ sal En_ met desen vorwarden die hier na ghescreue_ staen Dats te weten weert dat zake dat dese voerscreue_ muer ter neder gheworpen worde met crachte oft met wille van yemant in Enigher maniren Oft met wille Oft met consent Ons lieues heren van brabant Oft der stat van Thertoghen~bossche voerscr_ dat dan dese voerghenoemde zeboed jan aert en_ aernt Goetscalc Coenraet jacob Goedeken Ende didderic didderic box sone quijt vri ende ontbonden soelen wesen van + den ghehaut der voerseyder mueren Ende weert dat zake dat dese voers_ muere aldus ? ? gheworpen were ende men + se hem weder op volmaecte Of muerde dat dan dese voers_ zebode jan aernt en_ aernt Goetscalc Coen jacob Goedeken ende didderic didderic box sone weder hauden en_ ane hem neme_ soelen te bewaren in alle der vormen en_ maniren alst voerscreuen is Ende dese voerscr_ zeboed jan arnt en_ art Goetscalc Coenraet jacob Goedeken en_ did_r__ didder_ box sone solen moeghen tymmere_ op dese voers_ muere tot allen hoeren Orber en_ p_fijt also dicke als sijs te doen soelen hebben En_ so wat dat si op dese voers_ muer soelen timmere_ oft willen tymmere_ dat sal wesen met steen en_ so wat dat si decken soelen oft willen op den voers_ muer dat sal sijn met haerden dake behaudelic altoes der voerseyder stat haren wech vrilec op en_ af te gaen te ghewerc of sijs te doen hadden of te + doen mochten hebben Ende weert oec dat zake dat dese voers_ zeboede jan aernt en_ aert Goetscalc coenraet jacob Goedeken en_ didderic didderic box soen dese voers_ muer niet hauden en wouden noch en custen ghehauden ouermids den yse water ende anders ongheual dat si dan dese voers_ muer der voerseyder stat weder op mochten gheuen met acht dusent ponden Ende die acht dusent pont te keren in Orber der stat voergh_ daers best te doen were Ende mette_ erfnessen die hier na ghescreue_ staen die hem daer toe te hulpen ghegheuen siin daer si dese voers_ muer mede hauden en_ bewaren souden ghelijc alst voerscreue_ is dat is te wete_ mette_ erfnissen die gheleghen siin after den erue dat wileneer lambrecht zacs was binne_ stroems streckende van + den selue_ erue lambrecht zacs voers_ lancs streckende tott_ Orthender porthen toe op der zluzen Ende van + der Orthender porthen dwers ouer die dieze bi + den kempken ?eken . Ende mols van den seluen kempken streckende alle die aude Eruen la_cs totte_ husen toe ghelghen jn ghene (onleesbaar) dat men heyt jans van neysel . Ende van + den seluen huse weder om den maetgraue lancs streckende toter wijntmolen toe die wileneer andries valants was gheleghen op den wcht_endyke Ende van + der wijntmolen lancs streckende toter wchterpoerten toe Ende van + der wchterpoerten toter vischbrugghen toe Ende van + der vischbrugghen after den Erue dat wileneer willem slics was / toten Erue Claus zaghers toe Ende van + den Erue Claus zaghers den stroem lancs streckende toten Erue lambrechts zacs voerghenoempt jn diepen in droghen jn haerden en_ in weken . jn also verre alst ghemeinte is behaudelec altoes der voerseyder stat horen stroem te bezeghen en_ te ghebruken met scepen te varen en_ te keren Ende alle argheliste vte~ghesloten met deser vorwarden oec toe~ghedaen Dats te weten weert dat zake dat dese voers_ zeboed jan aert en_ aert Goetscalc Coenraet jacob Goedeken En_ didderic didderic box sone Eynich van hem yemant yet van der voerseyder muere_ wtgheuen of vercoften dat dan die ghene die die muer teghen deze voers_ zeboed jan aert en_ aert Goetscalc Coenraet jacob Goedeken en_ didderic didderic box soen oft tieghen eynich van hem luden vercrighen soelen tymmere_ of doen tymmere_ op der voers_ muere_ in allen vormen en_ maniere_ ghelijc alse voerscreuen is behaudelec altoes der voers_ stat horen wech vrilec op ende af te + gaen te haren ghewerc ghelijc als alle voerscr_ is Orconde waren hier ouer scepen in tsertoghe_~bossche bartholomeus didderics sone Goetscalc van bladel heymeric van dorderecht Ghisebrecht lisscap vra_cke van ghestel jacob tijt En_ Coenraet die w?er voers_ Ghegeuen des vridaghes voer den dach Sente remeys des Confessoers jnt jaer ons heren als me? screef dusent drie + hondert vijftich ende twe .