Corpus Van Reenen-Mulder (CRM14): Oorkonde K150p35701

Wi scepen_ . . gheswoerne . . Rentmeyst_en . . dekene van + den ambachten een deel der goeder knapen en_ die ghemeyn stat van shertoghenbossche maken cond allen den ghenen die dese letteren solen sien of horen lesen dat wi van weghen en_ in name der voers_ stat wittelec en_ erfelec vercoft hebben Ghisebrecht lusscap een erue ses en_ veertech voet ende d?erdendeel voets in breyden begripende gheleghen after sijns h˚ys en_ erue daer hi in woent b˚yten der auder muren der voers_ stat streckende van + der voers_ muren totten stilen toe die daer in den stroem staen van + den voergh_ ghisebrecht coper in een erfrecht te besitten ende te hebben Ende dit voers_ erue hebben wij van + der voergh_ stat weghen den seluen ghisebrecht coper opghedraghen en_ daer op verteghen als in solken goeden ghewoenlec is te + ghescien Ende hebben gheloeft en_ ghelouen van + der voers_ stat weghen dat wij den voergh_ ghisebrecht coper van desen voers_ erue gherecht en_ sculdighe waerscap solen doen ende allen voerco_mer af~doen solen den seluen vte~ghenome_ shertoghen tijns die men daer metten recht sculdich is vte te + gheldene jn alsolker manieren dat dese voers_ ghisebrecht coper enen goeden steynen werf sal doen legghen after dit voers_ erue daer die stilen staen binnen twe jaren na den date der ieghenwoerdigher lett_en volghende sonder middelt ende dese voers_ ghisebrecht coper sal een brugghe moghen doen maken o?er desen voers_ stroem soe wann_e hi wille jn orconscap van welker dingh en_ in kennissen der waerheit soe hebben wij den ghemeynen seghel der voergh_ stat van + den bossche aen dese lett_en doen hanghen ghegheuen int jaer ons sh_en dusent drie + hondert vijftich en_ seuene des maendaghes na der octauen des heylichs sacraments dach