Corpus Van Reenen-Mulder (CRM14): Oorkonde K150p35901

Wij scepen_ gheswoerne Rentmeist_en dekene van + de_ ambachten een deel der goeder knapen en_ die ghemeyn stat van tsh_toghe_bossche maken co_d alle_ de_ ghene_ die dese lett_en sele_ sien of hore_ lesen dat wij van weghen en_ in name der voers_ stat wittelec en_ erfelec vercoft hebbe_ jan danielken den smet een hofstat totter voerghenoe_der stat behore_de gheleghe_ in tsh_toghe_bossche (onleesbaar) orthenstraet tusschen den erue vrederic olyslaghers aen die een side en_ tusschen den erue diddeken (onleesbaar) aen die ander s? ? ? voerghenoe_den coper in enen erfrecht te + besittene en_ te + hebbene en_ hebben gheloeft en_ ghelouen van + der voers_ stat weghe_ dat wij den voerghenoemden jan Coper van + der voerghenoemder hofstat hem vercoeft alst voers_ is gherecht en_ sculdighe waerscap ? ? en_ alle_ voerco_mer af~doen sele_ den seluen vteghenomen ons sheren tsh_toghen tsijns die men daer metten Recht sculdich is vte te + gheldene behaudelec der voers_ stat van der voerghenoemder hostat enen wech tien voet breet gheleghen aldaer neuen den ? des voers_ diddeken (onleesbaar) streckende aldaer totten stroem toe jn Orconscap van welker dingh en_ in kennissen der waerh? hebbe_ wij den ghemeyne_ seghel der voers_ stat van tsh_toghenbossche aen dese letteren doen hanghen Ghegheuen in den jaer ons sh_en dusent drie + hond_t vijftich en_ neghene des maendaghes na sente jacobs dach des apostels