Corpus Van Reenen-Mulder (CRM14): Oorkonde K150p36102

Et sij cond een ygheliken die dese tieghenwoerdighe lett_en soelen sien oft hoeren lesen dat matheus Godeuart matheus soens zoen was va_ @ der eenre ziden / En_ Joncfrouwe kathelijn sijn suster met haren mombaer daer toe van haer vercore_ / en_ haer van + de_ Richt_ na ghewoenten @ ghegeu_ van + der ander ziden Ende hebbe_ bekent oppenbaerlijc dat sij een erfscheydinghe en_ deylinghe tegader ghedaen hebben van twee @ steenhusen die staen aen der merct in tsh_toeghenbossche die he_ bleuen sijn van ha_n vader en_ van haerre moeder dien God ghenedich @ moet sijn met welker deylinghen dat stenen huys dat gheleghen js opten hoernoet van + der Colpstraten gheuallen js matheus in eenre @ Rechter Erfdeylinghe / En_ dat stenen huys dat daer naest gheleghen Js . dat sal behauden joncfrouwe kathelijn . erfleken in eenre Recht_ @ Erfdeylinghen Ende elc sal hebben sijn huys met sijnre toebehoerte_ . Ende die tijns van beyden husen ghelijc te + ghelden / voert aen die middelgoet @ ende die middelmure daer die goet op leeght tusschen den twe husen voirscreu_ die soelen matheus en_ joncfrouwe kathelijn voirghen_ @ ghelijc hauden / besinghen / en_ ghebruyken . Voertme_ soe soelen sij . alle ander goede die sij hebben en_ haers vader ende haerre moeder @ waren . enen ghelijc deylen also verre alse die onghedeylt sijn Ende hebbe_ gheloeft matheus en_ joncfr_ kathelijn met ha_n mombaer @ voirscreu_ oft gheuiel dat sij eynghe scoet hedden alse van + der deylinghen oft van eyngherhande zaken . soe sijn matheus en_ joncfrou_ @ kathelijn voirscreu_ alingh bleue_ in Arnt van waderle ende in Goessuijn van + den boghart van beke alse in minlijc ? . Ende soe @ wat Arnt en_ Goessuijn voirscreu_ den seluen matheus en_ joncfrouwe_ kathelinen voirg_ hieten doen oft mede schieden dat sij @ dat doen soelen en_ eweliken en_ erfliken daer mede ghescheyden soelen sijn Ende met desen voirscreu_ puntten soe hebben gheloeft @ matheus en_ joncfrouwe kathelijn met ha_n mombaer voirg_ alse principael sarwoude onghescheyden op hem en_ op alle haer goet @ dese voirscreu_ puntten alle en_ een ygheliken ghelijc alsi voirscreu_ sijn vast ende gestede sonder eynich wedersegghe_ eweliken en_ erfliken @ te hauden . Orconde wa_n hier ouer . . scep_en in tsh_toghenbossche . Arnt berwout ende Jan van hellu Ghegeu_ des maendaghes na @ jaers~dach Jnt Jaer Ons h_en . dusent drie + hondert een ende . + tsestich . . .