Corpus Van Reenen-Mulder (CRM14): Oorkonde K150p36701

JC Rutgher van ouden Ridder doe cont allen luden die dese l_ren zullen sien en_ horen lesen Dat jc janne truden Mine_ neue / als van vijf mudde Rogghen der maten van tshertoghenbossche en_ vier Capune_ die~welc jc hem vercoft hebbe erfelijc ghelijc als die scepene_~brieue van tshertoghenbossche houden en_ begripen die daer op ghemaect sijn waer jc die niet en quijt tusschen dit en_ onser vrouwe_ lichtmisse ouer een jaer naest comende met derd + alf hondert ponden payments als ten tide der gulden dies ghelts in + tshertoghenbossche ghemeynlec in bursen gaen sal / en_ metten voers_ vijf mudde Rogghen en_ vier capunen behaudelec oec dies weert datter afterstelle / dat hem die vergouden worde / Soe kennic en_ lye dat hi mi voldaen heeft en_ en kenne mi ghene recht me_ aen dese voers_ vijf mudde rogghe_ en_ vier capune_ tsiaers / En_ gheloue he_ in goeden trouwen dat jc hem hulpech en_ vorderachtich sijn sal sine_ pacht altoes te crighen van + den voers_ pecht_en jn kennissen der waerheit soe hebbic desen brief open beseghelt met mine_ seghel Ghegeue_ jnt jaer ons h_en dusent drie + hondert tsestich en_ seuen des maendaechs / na jaersdach -