Corpus Van Reenen-Mulder (CRM14): Oorkonde K150p36702

Wy scep_en gheswoerne . . Rentmeist_en . . dekene van + den ambachten / een Deel van + den goeden cnapen / En_ die ghemeyn stat van tsh_toghenbossche doen cond allen luden dat wy van weghen / en_ in name der voers_ stat ghegheuen hebben / en_ gheuen met desen ieghenwerdighen letteren @ orlouen en_ consenteren / ghisebrecht keyot soen wilneer henrics keyot enen ouerwolfden kelder te maken voer die oortkameren voer @ sinen kelder onder der straten ghelyc als hi daer ghemaect is . en_ ouerwolft van hem in enen erfrecht te besetten en_ te hebben jn orconscap van welker dingh / En_ in kennissen der waerheyt hebben wy der voers_ stat groet zeghel aen desen letteren doen hanghen . Ghegheuen des anders daghes na onser vrouwen dach natiuitas jnt jaer ons sheren dusent / + drie + hondert tsestich en_ + seuene .