Corpus Van Reenen-Mulder (CRM14): Oorkonde K150p37101

Wij . . scep_en . . Gheswoerne . . Rentmeest_e . dekene van + den ambachten een deel der goeder knapen ende die gemeyn stat van tshertoegenbossche Doen cond allen lude_ dat wij van wege_ ende in name der voers_ stat wittelike ende Erfelike_ vercoft hebben @ henric goessen de_ visscher Enen camp + lands vier margen vier hond ende dertich roede_ lands begripende . gelegen voer @ Engelen tusschen den Erue Roelofs van + den graue aen deen side Ende tussche_ den Erue henric werners / aen dander side @ streckende van + der diesen tot den gemeynre strate_ toe van + de_ voers_ henric in ene_ erfrecht te besittene ende te hebben @ Ende hebben geloeft ende gelouen van + de_ voers_ stat wegen dat wij de_ voers_ henric coepe_ van + de_ voers_ Camp he_ alst voers_ @ is vercoft gerecht en_ sculdige waerscap sullen doen Ende alle voerco_mer af~doen sullen de_ seluen vytgenome_ Elf pond @ ende vier scillinge gemeyn payments der voers_ stat Jaerlecs op s˚nte mertens dach Jn den wijnter daer vyt met den @ recht te gelden met alsulken vorwaerden toegedaen dat die voers_ henric de_ voers_ camp he_ alst voers_ is vercoft nyemant vercopen en sal noch vervreemden noch nyemant vercope_ noch vervreemden en sal moege_ in gheenre maniere_ @ dan sinen medepoert_en der voers_ stat van tshertoegenbossche . oec eest vorwaerde dat die voers_ henric de_ voers_ Camp @ Jaerlecs wael en_ loflijc vreden sal en_ beheymen voert eest vorwaerde . dat die voers_ henric ? die beeste_ die queme_ @ op de_ voers_ Camp ende die were_ eniger lude die ons h_en ondersaet van brabant niet en weren scutten mach op viue @ en viertich scillinge gelike als die voers_ stat dat heeft . mer die beesten die quome_ op den voers_ camp en_ toebehoerden @ ons h_en ondersaete_ van brabant mach die voers_ henric scutten tot alre scaden recht / welke gelt van + de_ voers_ scutten @ comende en_ verscinende sal die voers_ henric goes heffen en_ b˚eren ende behaude_ Jn welker ding getuychgenisse_ @ ende Jn ke_nissen der waerheit hebben wij den gemeyne_ groete_ zegel . der voers_ stat aen dese ? gehange_ Gegeue_ @ Jnt Jaer ons h_en Dusent drie + hondert tseuentich ende Een des sondag na des heilige sac_ments dach