Corpus Van Reenen-Mulder (CRM14): Oorkonde K150p37103

Wij scepen . . Gheswoerne . . Rentmeest_e Dekene van + den ambachten Een deel . der goeder knapen ende die gemeyn stat van . . tshertoegenbossche doen cond allen luden dat wij van wegen en in name @ der voers_ stat wittelike ende Erfelike vercoft hebben Roelof van + den graue Een helft van + den irsten camp . vier marge_ vier + hond ende vijf end viertich roeden lands begripende gelege_ voer Enghelen tus-schen den erue henric goessen aen deen side / Ende tusschen enen camp geheite_ gemeynlike . der scut~camp aen dander side streckende van + der diesen tot der ghemeynre Steghe toe . van + de_ voers_ Rolof coepe_ in ene_ erfrecht te besittene ende te hebbene Ende hebben geloeft en_ geloeue_ van + der voers_ stat wegen dat van den voers_ Rolof van + der voers_ helft des voers_ camps he_ alst voers_ is vercoft gherecht en_ sculdige waerscap sullen doen Ende alle voerco_mer af~doen sullen den seluen vytgenomen viertyen scillinge twee pe_ninge en_ ene_ hellinc ghemeyn payments der voers_ stat Jaerlijcs @ op siinte mertens dach jn + den wijnter vyt der voers_ helft des voers_ camps met deijrecht te ghelden . Met alsulker vorwaerde_ toe~gedaen dat die voers_ Rolof die voers_ helft des camps voers_ he_ alst @ voers_ is vercoft nyemant vercopen en sal noch vervreemde_ noch nyemant vercope_ noch vervreemde_ en sal moge_ in gheenre manieren dan sine medepoert_en der stat van tsh_toegenbossche voersc_ @ Oec eest vorwaerde dat die voers_ rolof die voers_ helft des camps voers_ Jaerlijcs wael en_ loflijc vreden sal ende behoymen voert eest vorwaerde dat die voers_ Rolof die beesten die quemen op die @ voers_ helft des camps voers_ en_ die were_ eniger lude die ons h_en Ondersaet van brabant niet en weren scutten mach op vijf end viertich scillinge gelijc als die voers_ stat dat heeft . Mer die beeste_ @ die op die voers_ helft des voers_ camps queme_ en_ toe~behoerde_ ons h_en ondersate_ van braba_t Mach die voers_ rolof scutten tot alre scade_ recht welke gelt van + den voers_ scutten comende en_ verscijnende die voers_ rolof heffen b˚ere_ sal en_ behaude_ Jn ke_nis der waerheit hebbe_ wij den gemeyn_e grote zegel der voers_ stat aen dese l_ren doen hange_ Gegeue_ Jnt Jaer òns h_en dusent drie @ hondert tseuentich en_ een des sondages na des heilige sacraments dach