Corpus Van Reenen-Mulder (CRM14): Oorkonde K150p37201

Wij Scepenen Gheswoerne Rentm?steren Dekene van + den ambachten Een deel der goeder knape_ En_ die gemeyn stat van tsh_togenbossche doen cond allen luden dat wij van wegen ende in name der voirs_ Stat wittelic en_ erflic vercoft hebben Adaem van Mirde / Een derdel inden tienden Camp van + den Otheren tot vu~t waert welc camp voirs_ tyen margen lants begrijpt en_ is gelegen tusschen den Erue gherijs van Os en_ wouters van Oekel aen die een side en_ tusschen der gemeynten aldair liggende aen dander side streckende metten ene_ eynde aen die voirs_ gemeynte en_ metten andere_ eynde aen die gemeyn straet die strect van + den gasthuze ten othere_ wart van + den voirs_ adaem cop_e in een erfrecht te besitten en_ te hebben En_ hebben geloeft en_ geloue_ van + der voirs_ Stat wegen dat wij den voirg_ adaem cop_e / van + de_ voirscr_ derdel des voirs_ Camps hem vercoft alst voirscreue_ is / gerecht en_ sculdege waerscap zullen doen / En_ alle voirco_mer af~doen sulle_ de_ seluen vytgenome_ tyen scillinge_ gemeyns paym_ts vyt elken margen / der voirs_ Stat jaerlics op sente lambrechts dach met den recht te gelde_ Met alsulkene_ vorwarden toe~gedaen dat die voirs_ adaem dat voirs_ derdel des voirs_ camps hem als voirs_ is vercoft / nyemont vercopen en sal noch vervreemden noch nyemont vercopen of vervreemden en sal mogen in geenre manire_ dan sine_ mede~portere_ der stat va_ tsh_togenbossche voirs_ Oec eest vorwarde dat die voirs_ adaem dat voirs_ derdel des camps voirs_ loflic beheynen sal en_ vreden En_ dat die voirs_ adaem Scutten mach die beesten die op dat voirs_ derdel des voirg_ camps queme_ dats te weten elc beest op tyen scillinge paym_ voirs_ En_ dat die voirs_ adaem tgelt van + de_ voirs_ Scutten comende of verscinende alleen heffen en_ b˚ren sal en_ bahaude_ / Jn welk_ ding getuychnisse en_ in kennisse der wairheit hebben wij den gemeyne_ groten segel der voirs_ Stat aen dese l_ren doen hangen Gegeue_ Jnt Jaer ons h_en Dusent drie + hond_t twe en_ tseuentich des vridachs na sente Matheus dach