Corpus Van Reenen-Mulder (CRM14): Oorkonde K150p37501

Wij Rykout die koc Ridder Scouth_ van tshertogenbosscge doen cont allen den ghenen die dese breu_ sullen sien en_ horen lesen dat wij ouermids begherten ? rechts wegen en_ ernsteliken versueke Jans van berlaer he_ van helmont en_ van keerberghen en_ een deel der goeder lude van helmont ouermids rechte ? heercomen der stat van helmont hen waerheiden verhoert hebben / die si voer ons bracht hebben alse op dat voirs_ heercomen en_ recht / dats te we? Rutgher van Erpe / Rutger moedels soen vander donc / ysbout van asten / alse manne van leen onser lieuer genediger vrouwen van brabant en_ wryter van vechel alse mans man onser lieuer vrouwen voirs_ . Jn + den irsten So heeft Rutger van Erpe voirs_ getuicht / op sine_ eet bij onse ?ningen dat hi gesien heeft / ter tijt doe hi Richter was onser lieuer vrouwe_ van brab_ Jn der meyerien van pedelant / en_ daer te voren So wie ?vorwarden geloift hadde tot helmont en_ in + der meyerien van pedelant geseten was . Jn scepen_~brieue_ van helmont dat + men die daer vor (onleesbaar) soude met allen recht na der stat recht va_ helmont / en_ dat gesciet so soude die richt_ van helmont comen aen onser vrouwen richt_ of v˚rster van brab_ ter stat daer dat onderpant gelegen were / en_ versueken aen hem dat hi hem van dien ander pande pande leuerde / en_ dan so soude onser vrouwen richt_ van brab_ den Richter van helmont pande daer af leu_en en_ dan so soude + men tot helmont met dien pande voert ? gelijc alse der stat recht van helmont in heeft en_ rechte is / Voert so wie eynige vorwarden oft gelofte vut ? voir_ meyerien tot helmont gheloift hadde dat men die in~seynden soude oft selue leueren den ghenen die daer geloift hadde hem of sijn ? ? sijnre vorwarden ? port_en vanden bossche en_ der vriheyt van sinte~oden~Rode / Voert soe heeft Rutger models soen voirs_ ysbout van asten en_ dyrc writer getuicht op haren eet bij onser maninge_ / alle dat selue dat Rutgher van Erpe voirscr_ getuicht heeft / vut~gesceiden dat sijt niet gesien en hebben alse richteren / onser lieuer vrouwen van brab_ Jt_ voert so is comen lemmen mutsaert v˚rster tot doerne en_ Jan cleppe v˚rster tot arle / alse v˚rst_en die bouen en_ beneden geseten sijn En_ hebben getuicht op horen eet bij onser maninge dat sij dicke en_ menechweruen ouermids versueke des richt_s van helmont lude vut beide den dorpen tot horen vorwarden tot ?mont van rechts wegen in_~geboden hebben / en_ pande hen geleu_t hebben . En_ ouermids dat dit aldus voer ons getuight en_ gesciet is So hebben wij Rykout die koc Scouth_ voerghenoemt onsen Segel aen dese breu_ gegeue_ des dynssendaechs na sente lucien dach Jnt Jaer ons h_en dusent drie + hondert tseuentich en_ vyue .