Corpus Van Reenen-Mulder (CRM14): Oorkonde K150p37801

Wij Rykout die kot Ridder scoutheyt van tshertogenbossche Ende wij scepen_ gesworen en_ ghemeyn Raet der seluer stat doen cont allen luden die dese l_ren zullen zien of horen lesen dat wij voirs_ van wegen ons liefs ghenedichs h_en en_ vrouwen des hertogen en_ der hertoghynnen van brabant En_ wij scepen_ gesworen en_ ghemeyne Raet voirs_ van wegen der voirs_ stat van tshertogenbossche gegeue_ hebben en_ geuen een ordinantie en_ een gulde den ambachten dats te verstaen den Screynmak_en den dreyeren den Cup_en en_ den Rademak_en in der voirs_ stat van tshertogenbossche Jn + den irsten soe en sal nyemant dese voirs_ ambachten aen~vaen hi en sal irst porter sijn der voirs_ stat en_ sal gheuen ses pont payments welc ses pont men vyten sal in dryen geliken delen deen dordendele onsen lieuen h_e den hertoge van brabant dand_e dordendele der voirs_ stat en_ dat dorde derdendele den voirs_ ambacht? en_ een ? was welc dat voirs_ ambacht alleen hebben en_ behauden sal en_ enen brabants dobbel mottoen gou van goude en_ gerecht van gewicht tot der ? behoef des voirs_ ambachts En_ een vol harnassche den h_e en_ der stat daer mede te dienen alst nuet ? Voert so sullen ? drye deken deser voirs_ ambachte die deken sijn ten eynde van horen gange dats te weten in pinxstdage naest tocomende kyesen op horen eet drye ander deken van den voirs_ ambachten en_ altoes also voirt van pinxten te pinxten die dekene ? af gaen sullen drie ander dekene_ altoes kyesen sullen op haren eet dese voirs_ ambachte te ? en_ die drye dekene sal altoes van Jaer te Jaer die scouth_ van + de ? ? Voert soe en sal nyemant van desen voirs_ ambachte dit voirs_ ambacht hanteren noch werken bij nacht noch bij kerssen dan bi den daghe af en_ aen te gaen en_ so wie dat (onleesbaar) des niet en hielde die souts sijn also dicke alse hijt dede en_ daer af gecoert worde van + de_ dekene_ des voirs_ ambachts op ses scillinge pay_ voirs_ welc ses scillinge men deylen sal in drie delen en_ te keren alse voirscr_ is ; et en dede kenlijc noetsake ; Voert so wie eynich van desen voirs_ ambachten leren wille / die sal gheuen drie pont payments die te delen en_ te + keren gelijc voirscr_ is / en_ een een pont was der gulden alleen en_ elken van + de_ dekene_ een quarte wijns . Voert so wie van meesters kynd_en deser voirs_ ambachte in da_macht come_ wille die sal gheue_ der gulden een pont was / en_ daer mede die gulde wynne_ en_ niet m_e Voert so en sal nyemant dese voirs_ ambachte_ noch tobehorte deser voirs_ ambachte aen~vaen noch hanteren . dats te wete_ scaperelen te maken en_ sedelen . en_ Ronde setelen en_ ? en_ pluege en_ eechden / en_ al dat me_ voeghet en_ lijmpt en_ so wie dit hanteerde die souts sijn also dicke alse hijt dede en_ daer af ghecoert worde van + de_ voirs_ dekene_ op een en_ tweyntech scillinge pay_ voirscr_ die te deylen en_ te + keren gelijc voirs_ is vut~gesceide_ dat elc porter bynne_ sine_ huse van Sijns selfs haute mach doen make_ des hi noet heeft sonder voert te vercopen Jt_ so wanneer eynich van + den voirs_ guldebrued_en come_ ter vutvaert en_ daer blyue_ tot dat dat like gheert is en_ so wie daer niet en queme ent hem cont gedaen were hi en const noit~sake bewisen die souts sijn also dicke alse hijt breke op twe ? pay_ voirscr_ der voirscr_ gulden alleen . en_ van elke_ like so sal die voirscr_ gulde hebben een van + de_ beste_ kerssen . Jt_ so wat guldebruede_ deser voirs_ ambachte_ ? of ander comenscape dat den voirs_ ambachte_ to~behoerde en_ een ander guldebruede_ of me_ daer bij queme_ of mede hebben wouden dat sal hi hem mede (onleesbaar) en dede hijs niet also dicke alse hi des weygerde Sal hijs sijn op vijfthien scillinge pay_ voirscr_ die te deylen en_ te keren ghelijc alst voirscr_ is Jt_ voert so wat knape vut sijns meest_s huys of werk ghinge werken hi en hedde irst sine_ meester voldaen van dat hi hem geloeft hedde / die saudts sijn also dicke alse hijt dede op vijfthien scillinge pay_ voirs_ die te deylen en_ te + keren alse voirscr_ is . Jt_ voert so en sal niemon die in dese voirs_ gulde is en~geen werke tonen noch vut~setten vorder dan op die strate voir sine dore dair hi wonechtech is hij en weere also dicke alse hijt dede op vijfthien scillinge pay_ die te deylen en_ te + keren gelijc voirscr_ is . Voert so sal elc vreemt man of wijf alle donresdaghe moghen vercopen allen werke dat den voirs_ ambachte_ toebehoert vutgesceiden dat hi niet myn dan twe stucke wercs deser voirs_ ambachte_ te~male vercopen en mach . En_ so wie daer teghen ghinghe en_ des niet en hielde die soudts sijn also dicke alse hijt dede / en_ daer + af van + de_ dekene_ becoert worde op een en_ tweyntech scillinge die te deylen en_ te keren gelijc voirscr_ is . Jt_ so wannee_ die dekene_ voirs_ dese voirscr_ guldebruede_ deser voirs_ ambachte_ te~gader hebben willen om nutscap orbair en_ p_fijt des voirs_ ambachts so sal elc guldebruede_ come_ daer + se die dekene_ ontbiede_ ende so wie daer niet en queme ent hem cont gedaen were / en_ in + der stat wee_ et en dede hem noit~sake die soudts sijn alse dicke alse hi des niet en dede op Ses scillinge die te deylen en_ te keren gelijc voirs_ is . Jt_ so wat guldebruede_ die niet hedde en_ verarmt + were noch niet gewynne_ en const die sal die gulde gheuen alle + dage te verteren acht ?_ninge payments voirscr_ . en_ sine vutvaert doen op ter gulden cost . Jt_ so wat cost of onrade geviel in desen voirs_ ambachte et~si van orlogen of van eynige_ saken die vallen mach dat zullen die voirs_ drie deken_ deser voirs_ ambachte_ bij rade ? van hore_ guldebruede_n setten op elken guldebruede_ deser voirs_ ambachte_ en_ so wie sijn dele daer hij op gesedt we_ niet en gheue alsen die deken_ voirs_ maende die soudts sijn op ses scillinge payments voirs_ die te deylen en_ te keren gelijc voirscr_ is Jt_ so wat man meest_ werden wille des voirs_ ambachts die sal elke_ deke_ gheue_ een quarte wijns Jt_ so sal gheen guldebrued_ des voirs_ ambachts des satersdaechs langer werken dan tot sente Johans vesper geleeyt is ende so wie des niet en hielde die soudts sijn op ses scillinge pay_ die te deylen en_ te keren gelijc voirscr_ is . et en dede hem noetsake . behaudelec altoes den h_e en_ der stat hoers rechts Jn allen punten voirscr_ En_ altoes te wedersegge_ den scouth_ en_ den scepen_ voirscr_ die in + den tiden wesen sullen Jn kennissen van welken dinge_ wij Rykout scouth_ voirscr_ onsen segel en_ wij Scepen_ geswore_ en_ gemeyne Raet der voirscr_ stat van tshertogenbossche den cleyne_ segel der voirscr_ stat aen dese tegenwordige l_ren hebben doen hange_ Gegeue_ des vrijdaechs na sente matheus dage apostels en_ ewangelist jnt jaer ons h_en dusent drie + hond_t tseuenticht en_ acht