Corpus Van Reenen-Mulder (CRM14): Oorkonde K150p38201

Wij Marcelijs van os / zibrecht van hoculen en_ willem van hees Scepen in tshertoghen~bossche doen condt allen luden die dese_ brief zullen sien of horen lesen dat voir ons comen sijn zegher van vlierden / hubrecht van lyeshout wone_de op die d˚nghen / goeswijn heymerics wonenende te mierle claes gheheyten Coil die smit wonende te mijerle / en_ Claes barbiers wonende te mierle als sij zegeden / die welc bij manen ons Richters in ts?toghen~bossche voir_ ghetuycht hebben op horen eedt aen den heyligen eendrechtichlijc dat die Jonghe_ van helmont / en_ sijn Stat van helmont die lude die dair jn woennechtich sijn en_ hoer goit altoes toll~vry / gevaren hebben te graue en_ in den lande van kuyc / tot tshertogen~bossche / en_ alle die meyerye doer van tshertoghen~bossche / tot lyt / jn den lande van breda / En_ in den lande van tuernout En_ dat dair des voirs_ Jonch_en van helmont en_ der voirs_ Stat van helmont recht is en_ heercomen In welker ding getuychnis en_ jn kennissen der waerheyt hebben wij Marcelijs / zibrecht en_ willem Scepen_ voirs_ onse zeghelen aen desen brief gehanghen Gegheuen jnt jaer ons heren duse? ccc . + en_ twee en tachtentich des woensdages na den hoochtijt des heylichs sacraments