Corpus Van Reenen-Mulder (CRM14): Oorkonde K150p38801

Wij . . scepen_ . . ghesworen Rentmeestere_ . . dekene van + de_ ambachte_ / Een deel der goider knapen En_ alle die gemeyn stat van tshertogen~bossche / doen condt allen luden dat wij van wegen en_ jn name ons_ voirs_ stat van tshertogen~bossche wittelic en_ erfelic vercoft hebben . jan hacken en_ agnesen dochter wiln_e zebrechts van maren enen jaerlike_ en_ erftijns van drie scillinge_ . welke_ erftijns sij ons_ voirs_ stat jaerlics en_ erfelic sculdich sijn te ghelden vyt enen haluen lants tot hen behorende van + de_ dusent margen lants der ghemeynte_ ons_ voirs_ stat / En_ welc half margen lants voirs_ gelege_ is jn den vliedert van + den voirs_ Coperen jn enen erfrecht te besitten en_ te hebbene . En_ wij hebben geloeft en_ geloeuen jn goide_ trouwen / dat wij den voirs_ Coperen van + den voirs_ erftijns hen vercoft als voirs_ is gerecht en_ sculdige waerscap doen zullen Jn ke_nissen der waerheyt hebben wij ons_ voirs_ stat groten seghel aen desen brief doen hanghen / Gegeuen jnt jaer ons h_en dusent drie + hondert acht en_ tachtentich . . des manendachs na den sonne_dach als men singt . . Exaudi