Corpus Van Reenen-Mulder (CRM14): Oorkonde K150p38802

Wij . Scepen_ . . Gheswoerne Rentmeest_en dekene van + den ambachten Een deel der goeder knapen ende alle die gemeyne stat van tshertoegenbossche . doen cond allen luden dat wij van wegen en_ in name der voirs_ stat wittelike en_ erfelike vercoft hebben . jan van + der z?dewijnden ene_ jaerliken en_ erftsijns van sesse scillingen ende acht pe_ningen den welken tsijns die voirs_ jan sculdich is te gelden der voers_ stat jaerlijcs en_ erfeliken . vyt vier hond lands tot he_ behoerende gelege_ op die hoegedonc . welke vier hont lands voirs_ ? vonden worden aldaer bi der gerechter maten van + den voirs_ jan copere mette_ erfrecht te besitten en_ te hebben . Ende hebben gheloeft en_ geloeuen van + der voirs_ stat wegen dat wij den voirs_ jan cop_e ? ? voirs_ ? hem vercoft alst voirs_ is gerecht en_ sculdige waerscap sullen doen jn kennissen der waerheit hebben wy den gemeynen groten segel der voirs_ stat aen desen li_en doen hange_ Gegeuen jnt jaer ons h_en M˚ ccc˚ tachtentich en_ acht des maen? na den sondach als + me_ singt exaudi