Corpus Van Reenen-Mulder (CRM14): Oorkonde K150p39301

Wij Scepen_ ghesvvoren Rentm?stere dekene van + den ambachten een deel der goeder k?pen en_ alle die gemeyn stat van thertogen~bossche doen condt allen luden dat wij van wegen en_ jn name der voirs_ stat geconsenteert en_ georloft hebben En_ ? desen brieue consenteren en_ orlouen Otten bruisscens dat hij erue_ en_ hostaden gelegen bij + den hijthamsschen dijck welc eruen en_ hostaden wij voirt? gegeuen hebben den voirscr_ otten jn hulpe den voirs_ dijcke te hauden sal moegen vervreemden mede vyt gheuen te tijnse en_ anders tot sijnen orb?r met vorwarden nochtant altoes to~gedaen / dat die erue_ en_ hostaden va_ dat + men dair op maken en_ ti_meren sal Sal altoes sijn en_ blijuen verbonden te hauden altoes jn goiden gereke dat (onleesbaar) des vors_ dijcs dat recht tegen die eruen en_ hostaden leegt En_ jn alsulcke ?oechden en_ breyden gelijc die brieue begripen die van + den vorscr_ dijcke gemaict zijn En_ (onleesbaar) dien gedeelt des voirs_ dijcs aldus te hauden ? sullen die voirs_ eruen en_ hostaden vrij en_ quijte sijn van allen andere geloiften die ons die voirs_ otte geloeft heeft als van + den voirs_ dijcke te hauden Behaudelijc altoes (onleesbaar) onsen brieuen die gemaect sijn van + den voirs_ dijcke te hauden jn alre hoirre macht te blijuen tot allen anderen punten en_ gelooften dair jn begrepen Jn ke_nissen der waerheijt so hebben wij ons_ voirs_ stat segel aen desen brief doen hangen Gegeue_ jnt jair ons heren als + men screef dusent drie + hondert ende drie ? tnegentich op sente valentijns dach